Martynaŭ: Pasły ES mohuć viarnucca ŭ Biełaruś, kali za hetym nie pojduć sankcyi
«Biełaruś kaža: «Chočacie, kab vašyja pasły viarnulisia nazad? My nie suprać», — zajaviŭ kiraŭnik biełaruskaha MZS zajaviŭ u efiry BT.
Pasły krain Jeŭrapiejskaha sajuza mohuć viarnucca ŭ Biełaruś, ale za hetym nie pavinny paśledavać novyja sankcyi ŭ dačynieńni da krainy, zajaviŭ ministr zamiežnych spraŭ Biełarusi Siarhiej Martynaŭ u efiry Pieršaha kanała biełaruskaha telebačańnia ŭ niadzielu.
«Biełaruś kaža: «Chočacie, kab vašyja pasły viarnulisia nazad? My nie suprać. Ale naturalna, my b nie chacieli, kab jany zajmalisia zakulisnym spravami na škodu našym adnosinam», -. skazaŭ Martynaŭ.
«Kali pasły viernucca, a praź niekalki dzion Jeŭrasajuz prymie čarhovy nabor sankcyj, miakka kažučy heta budzie niesurjozna», — dadaŭ jon.
Pry hetym kiraŭnik źniešniepalityčnaha viedamstva ličyć, što Jeŭrasajuz svaimi sankcyjami tolki zatarmožvaje demakratyčnyja reformy ŭ Biełarusi.
«Kali b nie ćviordyja i niepravamiernyja sankcyi, pryniatyja ŭ studzieni 2011 hoda paśla vybaraŭ prezidenta ŭ śniežni 2010 hoda, napeŭna, Biełaruś prajšła b bolšy šlach ŭnutranaha samaŭdaskanaleńnia», — skazaŭ jon.