Abama vystupiŭ u abaronu adnapołych šlubaŭ
Jahony praciŭnik Mit Romni i respublikancy kateharyčna suprać.
Abama staŭ pieršym dziejnym prezidentam ZŠA, jaki ŭchvaliŭ adnapołyja šluby. Na dumku libierała Abamy, varta lehalizavać zaklučeńnie adnapołych šlubaŭ. Ale, jak padkreśliŭ amierykanski prezident u intervju telekanału ABC, hetaje pytańnie pavinna vyrašacca na ŭzroŭni štataŭ.
Jaho mahčymy supiernik na prezidenckich vybarach ad respublikancaŭ, kansiervatar Mit Romni zajaviŭ raniej, što zastajecca praciŭnikaŭ takich aficyjnych sajuzaŭ pamiž ludźmi adnaho połu.
Raniej u padtrymku adnapołych šlubaŭ vykazvalisia vice-prezident Džo Bajden i ministr adukacyi Arne Dunkan.
Pavodle źviestak kansiervatyŭnaj sacyjałahičnaj kampanii Gallup, 50% amierykancaŭ vykazvajucca za lehalizacyju adnapołych šlubaŭ, a 48% vystupajuć suprać. U apošnija dziesiacihodździ ŭ ZŠA staŭleńnie da hiejaŭ mocna źmianiłasia. Hetak, pry Abamu, naprykład, adkrytym hiejam dazvolili słužyć u armii.
Pavodle acenak daśledčykaŭ, z homaseksualnaj aryjentacyjaj naradžajucca 1—5% ludskoj papulacyi.