Za pieraprodaž kalijnych uhnajeńniaŭ u Rasiju traim žycharam Bresta pahražaje da 7 hadoŭ turmy
U Bresckaj vobłaści praduchilili realizacyju bolš čym 2,5 tys. ton kalijnych uhnajeńniaŭ pa ŭnutranych cenach dla vyvazu za miežy krainy.
Kamitet dziaržkantrolu pravioŭ adpaviednyja
U 7 arhanizacyjach rajahraservisu vykryli fakty realizacyi kalijnych uhnajeńniaŭ u košt vydzielenaj Bresckaj vobłaści kvoty subjektam pradprymalnickaj dziejnaści, jakija nie źjaŭlajucca vytvorcami sielhaspradukcyi na terytoryi krainy. Usiaho nazvanyja arhanizacyi pradali kamiercyjnym strukturam 21,8 tys. ton kalijnych uhnajeńniaŭ pa dekłaravanych Minekanomiki adpusknych cenach dla vytvorcaŭ sielhaspradukcyi.
Padčas pravierak papiaredžanaja adhruzka rajahraservisam vobłaści kalijnych uhnajeńniaŭ 17 subjektam pradprymalnickaj dziejnaści, jakija nie źjaŭlajucca vytvorcami sielhaspradukcyi na terytoryi Respubliki Biełaruś, u abjomie zvyš 2,5 tys. ton ahulnym koštam kala 324 młn rub.
Upraŭleńniem Departamienta finansavych rasśledavańniaŭ Kamiteta dziaržkantrolu pa Bresckaj vobłaści raspačataja kryminalnaja sprava pa č. 3 art. 233 KK Respubliki Biełaruś («Niezakonnaja pradprymalnickaja dziejnaść, jakaja ažyćciaŭlajecca arhanizavanaj hrupaj, karajecca pazbaŭleńniem voli na termin ad dvuch da siami hadoŭ z kanfiskacyjaj majomaści abo biez kanfiskacyi i z pazbaŭleńniem prava zajmać peŭnyja pasady abo zajmacca peŭnaj dziejnaściu abo biez pazbaŭleńnia») u dačynieńni da traich žycharoŭ Bresta pa fakcie ažyćciaŭleńnia imi niezakonnaj pradprymalnickaj dziejnaści, źviazanaj z nabyćciom u adnym z rajahraservisaŭ kalijnych uhnajeńniaŭ na sumu zvyš 221 młn rubloŭ, dalejšym ich transpartavańniem i realizacyjaj na terytoryi Rasijskaj Fiederacyi, z dapamohaj vykarystańnia raźlikovych rachunkaŭ i rekvizitaŭ falšyvych pradprymalnickich struktur.
Ad zajmanych pasadaŭ vyzvalenyja 7 kiraŭnikoŭ rajahraservisu Bresckaj vobłaści. Akramia taho, praciahvajecca praca pa dalejšym vyśviatleńni asobaŭ, što majuć dačynieńnie da spravy.