«Viedamaści»: Navalny damoviŭsia pra vypusk debietavaj kabrendavaj kartki

Apazicyjanier Alaksiej Navalny dasiahnuŭ damoŭlenaści z adnym z bankaŭ pra vypusk u lipieni debietavaj kabrendavaj kartki,

pišuć «Viedamaści». 1% ad pakupak i inšych tranzakcyj pa joj budzie pieraličvacca na rachunak niekamiercyjnaj arhanizacyi — Fondu baraćby z karupcyjaj, zasnavanaha błohieram, paviedamlaje jaho pres-sakratar Hanna Viaduta.

Hrošy buduć spahaniacca nie z trymalnika kartki, a z banka. Umovy afarmleńnia i absłuhoŭvańnia buduć standartnymi dla kart hetaha typu, a ich dyzajn budzie pakazvać, što ŭładalnik kartki — «čałaviek, jaki nie baicca i jakomu nie ŭsio roŭna».

Zhodna z vynikami markietynhavaha daśledavańnia, dadzienyja jakoha pryvodzić hazieta, patencyjnaja kolkaść trymalnikaŭ takich kartak — 4 młn čałaviek. Partniora Navalnaha vydańniu znajści nie ŭdałosia, sam jon nazvu banka-emitenta nie raskryvaje.

«Bank vystupaje ŭ hetym prajekcie vyklučna jak infrastruktura. Jon nie padtrymlivaje maju dziejnaść ni sam, ni praz svaich akcyjanieraŭ», — pieradała Viaduta słovy Navalnaha.

U ciapierašni čas apazicyjanier adbyvaje 15 sutak aryštu.

Kamientary da artykuła