Jašče adzin falšyvy vieteran — enkavedyst z «siamiu ordenami Lenina»
Błohiery praciahvajuć vyjaŭlać błaznaŭ.
Palitykanstva na temie Druhoj suśvietnaj vajny sparadžaje parazitaŭ. Błohiery praciahvajuć identyfikavać psieŭdavieteranaŭ. Jany vychodziać na šeści i vystupajuć u ŚMI, časta z savietyzatarskich pazicyj.
Tak, pažyłoha mužčynu, jaki, miarkujučy pa našyŭkach, byŭ čekistam, vykryli ŭ tym, što jon prysvoiŭ sabie znaki Hieroja Savieckaha Sajuza i Hieroja Sacyjalistyčnaj Pracy, a taksama paviesiŭ na hrudzi 7 ordenaŭ Lenina.
Błohiery zapeŭnivajuć, što jany praviarali pa bazach: takoha spałučeńnia uznaharod ni ŭ kaho nikoli nie było.
Raniej rasijskija błohiery złavili za ruku inšych «vieteranaŭ». Adna ź ich za hod pamianiali pahony pałkoŭnika na hienieralskija. I štohod vychodzić na parad u pačesnych šerahach.
Varta adznačyć, što sapraŭdnym udzielnikam vajny ciapier užo bolš za 85 hadoŭ, tady jak na paradach i šeściach vieteranaŭ časta možna sustreć našmat maładziejšych vieteranaŭ — imavierna, prosta adstaŭnikoŭ.