Amierykanskija kanhresmieny — za pieranos ČS-2014 ź Minska
28 kanhresmienaŭ i sienataraŭ ZŠA źviarnulisia da Mižnarodnaj fiederacyi chakieja z zaklikam pieranieści čempijanat śvietu pa chakiei ź Minska.
Padpisanty, siarod jakich jak demakraty, tak i respublikancy, vykazvajuć u liście hłybokuju zakłapočanaść sytuacyjaj z pravami čałavieka ŭ Biełarusi, adznačajučy rost ucisku svabody słova paśla vybarčaj kampanii 2010 hodu.
Pavodle aŭtaraŭ lista, «tatalnaja atmasfera pieraśledu ŭ Biełarusi» daje surjoznyja padstavy dla zaniepakojenaści, što biaśpieka hulcoŭ, aficyjnych asobaŭ, žurnalistaŭ i zaŭziataraŭ nia budzie harantavanaja ŭ tym razie, kali čempijanat adbudziecca ŭ Miensku. Padpisanty ličać, što z ulikam sytuacyi Mižnarodnaja federacyja chakieju maje prava zabrać u Biełarusi čempijanat i pieranieści jaho ŭ inšuju krainu.
Kanhresmeny, u liku jakich, u pryvatnaści, śpikier Pałaty pradstaŭnikoŭ Džon Bejner i kiraŭnica demakratyčnaj mienšaści Nensi Pełosi, zaklikajuć kožnuju z krain-čalcoŭ Mižnarodnaj federacyi chakieju patrabavać ad uładaŭ Biełarusi vyzvaleńnia ŭsich palityčnych viaźniaŭ. Kali hetaha nie adbudziecca, Biełaruś, pavodle aŭtaraŭ lista, maje być pazbaŭlenaja honaru prymać udzielnikaŭ chakiejnaha pieršynstva śvietu.