ANT vyrazała z prahramy «Viačerni Urhant» žart pra Łukašenku - videa
U prahramie «Viačerni Urhant» na rasijskim Pieršym kanale viadučy Ivan Urhant žartavaŭ z Łukašenki. Adnak hetuju častku prahramy vyrazali ź biełaruskaha efiru na telekanale ANT. Urhant kazaŭ, što pieršy aficyjny vizit Uładzimir Pucin zrobić u Biełaruś, i jany ŭ prahramie vyrašyli adznačyć hetuju padzieju z dapamohaj studyjnaha noŭtbuka i ŭpryhožyli jaho fatazdymkam Łukašenki.
«My ŭ našaj prahramie sprabujem sumiaścić usio samaje niesumiaščalnaje. Tak blizka Łukašenka i Apple jašče nikoli nie stajali adzin kala adnaho. Try razy kampjutar nie chacieŭ prymać nalepku, ale my ŭsio ž vykarystali sapraŭdnyja vadkija ćviki», — pažartavaŭ Ivan Urhant.
Karocieńki žart pra Biełaruś pačynajecca z 02:40 chviliny i idzie da 03:20.