Łasioŭ, jakich bačyli ranicaj u Parku Čaluskincaŭ, padstrelili
abnoŭlena
U ich pacelili snatvornym.
Kala 20.30 supracoŭniki MNS i vieterynarnaj słužby zdoleli zahnać dvuch simpatyčnych łasioŭ, jakich ranicaj ludzi bačyli ŭ minskim Parku Čaluskincaŭ.
Ratavalniki dahnali ich u lesaparkavaj zonie, voddal atrakcyjonaŭ.U žyviolin stralali snatvornym. Spačatku z dalokaj adlehłaści. Potym, kali žyvioły papadali, adzin z ratavalnikaŭ padcikaŭsia da ich i dadatkova ŭkałoŭ snatvornaje šprycom. Aściarožnaść abhruntavanaja:
adnym udaram vostraha kapyta łoś moža zabić čałavieka.
Jak raspaviadajuć vidavočcy,
pieraśledavać lasnych haściej daviałosia pa ŭsim parku, šakavaŭšy nie adnu zakachanuju paračku ŭ zacišnym kutku.
Niepadalok čakaŭ hruzavik. Pahruzka sonnych łasioŭ ciahnułasia cełuju hadzinu, da 21.30. Jak paviedamiŭ supracoŭnik MNS,
łasicu i hadavałaje łasiania, jakija zabryli ŭ Minsk, adviazuć u Čyžoŭski zaapark i vypuściać u valjer.