Hod tamu pamior palitołah Vital Silicki

Hod tamu, 11 červienia 2011 h., pamior palitołah Vital Silicki. Jamu było 38 hadoŭ.

Vital byŭ čałaviekam vialikaha zapału, vialikich ambicyjaŭ, vialikich zadumaŭ i vialikaj dabryni. Uvohule, vialikim jon i byŭ. I pobač ź im šmatlikija rečy bačylisia ŭ inšym śviatle — bolš značnymi, mahčyma. Bolš natchnialnymi.

Ja ź im paznajomiłasia, kali jaho zaprasili stać dyrektaram BISS. My sustrelisia ŭ pierachodzie na płoščy Niezaležnaści. I my imhnienna, prama tam ža, u pierachodzie, damovilisia ab asnoŭnych konturach budučaha supracoŭnictva. Ź im i paśla było lohka damaŭlacca z nahody prajektaŭ, pakolki jon nia mieŭ schilnaści da biessensoŭnaj naściarožanaj reŭnaści, lohka bačyŭ hałoŭnaje, lohka daviaraŭ mietodyki i technałohii na mierkavańnie partnioraŭ, lohka bačyŭ jakimi buduć asnoŭnyja vyniki. Pry hetym jon zaŭsiody moh dać paradu jak zrabić niešta lepš, pierakanaŭča, bolš efiektyŭna.

I sam Vital da paradaŭ prysłuchoŭvaŭsia, i ŭ hetym taksama adbivałasia jaho — niezvyčajnaja pa ciapierašnich mierkach rysa — davier da ludziej.

Dziejnaść Vitala Silickaha jak daśledčyka i jak kiraŭnika navukova-daśledčaha instytuta surjozna padvysiła ŭzrovień ŭzajemnaha davieru ŭ ekśpiertnym asiarodździ. Dziakujučy jaho asabistym namahańniam standarty ŭ hetaj halinie byli taksama padvyšanyja, byli zadadzieny novyja napramki pracy i, što jašče važniej, bolš svabodnyja formy ŭzajemadziejańnia. Jon byŭ u vyšejšaj stupieni kamandnym hulcom, i jaho liderstva było naturalnym vynikam hetaj redkaj ŭ našych šyrotach ŭłaścivaści.

Pamiraŭ jon, uvohule, taksama «ŭ kamandzie». Heta było ščymlivaje, ale razam z tym dziŭna pryludnaje, tavaryskaje, davierlivaje i, kali možna ŭ takich sumnych umovach tak vykazacca, vielmi sučasnaje pamirańnie. Dla mianie asabista heta było asablivym urokam čałaviečnaści.

Dziakuj tabie za ŭsio, Vital.

Kamientary da artykuła