U centry stalicy znoŭ abmiažujuć ruch: padrychtoŭka da paradu
Pačnuć abmiažoŭvać užo ad siońnia.
Ruch usich vidaŭ transpartu ŭ centry Minska budzie zakryty siońnia viečaram i ŭ bližejšyja dni. Jak paviedamili partału Interfax.by ŭ Minskaj DAI, abmiežavańni zakranuć učastak praśpiekta Mašerava ad praśpiekta Pieramožcaŭ da vulicy Daŭmana.
11, 13, 15, 18, 20, 25 i 26 červienia z 22:00 da 24:00 tut projduć treniroŭki roty hanarovaj varty — sałdaty rychtujucca da paradu ŭ honar Dnia niezaležnaści Respubliki Biełaruś.
Nahadajem, hienieralnyja treniroŭki paradu płanujecca pravieści na skryžavańni praśpiektaŭ Pieramožcaŭ i Mašerava 28 i 30 červienia. Jak praviła, takija prahony pravodziacca nočču i źbirajuć masu hledačoŭ.