Zatrymany ŭ Minsku raspaŭsiudnik kurylnych sumiesiaŭ moža sieści na 13 hadoŭ
Supracoŭnikami adździaleńnia pa narkakantroli i supraćdziejańni handlu ludźmi Zavodskaha RUUS Minska padčas adpracoŭki miescaŭ masavaha adpačynku haradžan zatrymany24-hadovy minčanin, jaki zajmaŭsia realizacyjaj kurylnych sumiesiaŭ.
Jak paviedamili ŭ HUUS Minharvykankama, doma ŭ zatrymanaha znajšli bolš jak 100 h kurylnych sumiesiaŭ, rasfasavanych u 56 pakiecikaŭ vahoj pa 0,5 h kožny, šali i špryc z hatovym da ŭžyvańnia opiumam.
U dačynieńni da pradaŭca zabaronienych rečyvaŭ Zavodskim (Minska) rajonnym adździełam Śledčaha kamiteta raspačata kryminalnaja sprava za niezakonny abarot narkotykaŭ u bujnym pamiery. Zatrymanamu pahražaje da 13 hadoŭ pazbaŭleńnia voli.