5-hadovuju dačku śpievaka Romy Žukava zabiła hojdaškaj

Dziaŭčynka atrymała ŭdar arelami pa hałavie.

5-hadovaja dačka eks-kłavišnika «Miraža» pamierła ad traŭmaŭ, atrymanych na dziciačaj placoŭcy. Lizavietu-Viktoryju Žukavu dastavili ŭ bližejšuju miedycynskuju ŭstanovu i padklučyli da aparatu žyćciezabieśpiačeńnia. Dla apieracyi była vyklikanaja bryhada dziciačych lekaraŭ. Dziaŭčynka atrymała adkryty pierałom čerapa, hulajučy na ​​dziciačaj placoŭcy na Kašyrskaj vulicy rasijskaj stalicy.

Trahiedyja adbyłasia ŭviečary 19 červienia, kali 5-hadovaja Liza hulała ŭ dvary z 13-hadovym dziadźkam Kiryłam i starejšaj siastroj Palinaj.

Babula dziaŭčynki vinavacić ŭ śmierci ŭnučki prajekciroŭščykaŭ hulniavoj placoŭki.

— Ja daŭno chadžu mima hetych dvuch arelaŭ i zaŭsiody źviartała ŭvahu, što jany stajać zanadta blizka! — raspaviała pravaachoŭnikam Viera Alaksandraŭna. — Ja dumaju, što jaje ŭdaryła arelami, na jakich hajdałasia starejšaja siastra.

U toj ža čas 13-hadovy dziadźka, što nahladaŭ za plamieńnica, zapeŭnivaje, što dziaŭčynka sama zasunuła hałavu pamiž aporaj i ruchomaj častkaj arelaŭ.

Pa słovach babuli, Liza straciła vielmi šmat kryvi.

— Jana ž maleńkaja, jak kaciania! — chvalujecca Viera Alaksandraŭna.

Sam Žukaŭ z žonkaj Alenaj i małodšaj dačkoj Safijaj-Viktoryjaj znachodzilisia za miažoj, kali daviedalisia pra biadu. Jany tut ža stali ekstrana šukać kvitki na bližejšyja rejsy da Maskvy.

Kamientary da artykuła