«Biełarusbank» admianiŭ płaty za absłuhoŭvańnie kredytaŭ nasielnictvu
AAT «AAB «Biełarusbank» z 1 červienia 2012 hoda admianiła źbirańnie ŭznaharodžańniaŭ za razhlad pakieta dakumientaŭ i supravadžeńnie kredytaŭ, dadzienych nasielnictvu. Jak paviedamlajepres-słužba «Biełarusbanka», heta «istotna skaraciła pamier štomiesiačnych płaciažoŭ za karystańnie kredytam».
Zaraz košt kredytu vyznačaje tolki ŭstanoŭlenaja ŭ kredytnym dahavory pracentnaja staŭka, jakaja ŭklučaje zatraty banka pa absłuhoŭvańni kredytu.
Takim čynam, kredytaatrymalniki jašče da zaklučeńnia dahavora mohuć bolš uzvažana acanić svaje mahčymaści pa pahašeńni kredytu.
«Biełarusbank» prapanuje šyrokuju liniejku kredytaŭ dla fizičnych asob: na spažyvieckija patreby, na budaŭnictva, nabyćcio i rekanstrukcyju žylla, na apłatu navučańnia i miedycynskich pasłuh, maładym śpiecyjalistam na nabyćcio damašniaj majomaści, na hazifikacyju pryrodnym hazam.
Pracentnyja staŭki składajuć ad 1% hadavych (pa lhotnych kredytach na budaŭnictva žylla) da staŭki refinansavańnia Nacyjanalnaha banka plus 5 pracentnych punktaŭ (na spažyvieckija patreby).