Vierabiej-albinos złoŭleny ŭ Viciebskaj vobłaści + fota
Siarod zvyčajnaj papulacyi ptušak jon sustrakajecca adzin na miljon, tamu ŭbačyć jaho vialikaja ŭdača.
Hetu vielmi redkuju ptušku ŭbačyŭ na svaim dvary starejšyna vioski Varhany Dokšyckaha rajona Leanid Tairaŭ.
Absalutna bieły vierabiej panadziŭsia razam sa svaimi sabratami prylatać da kuraniat łasavacca ich kormam. Praź niekatory čas ptuški stali takimi śmiełymi, što nie pužalisia i čałavieka. Ale bieły vierabiej, byccam viedajučy pra svaju niezvyčajnaść, zastavaŭsia pa-raniejšamu pužlivym i aściarožnym. Tamu šmat pryjšłosia pasiadzieć u zasadzie fotakarespandentu, kab sfatahrafavać heta cuda pryrody, jakoje, peŭna, adčuvała prysutnaść čałavieka, bo tak i nie apuściłasia na ziamlu, kab klunuć ziarniatka.
Bieły vierabiej-albinos u pryrodzie – heta vielmi redkaja źjava. Siarod zvyčajnaj papulacyi ptušak jon sustrakajecca adzin na miljon, tamu ŭbačyć jaho vialikaja ŭdača.Vučonyja tłumačać asablivaść biełaj afarboŭki adsutnaściu u pierjach ptuški takoha rečyva, jak miełanin. Heta moža być źviazana, na ich dumku, z drennaj ekałahičnaj situacyjaj abo mutacyjaj u siaredzinie vierabjinaj papulacyi.
Vučonym u Rastoŭskaj vobłaści ŭdałosia złavić vierabja-albinosa. Jaho pasialili ŭ kletku sa spadziavańniem, što, mahčyma, jamu ŭdasca adšukać siabroŭku-błandzinku i vyvieści novuju papulacyju. Darečy, Tairaŭ śćviardžaje, što jon adnačasova bačyŭ dźviuch ptušak. Moža, hety fakt zacikavić i našych biełaruskich vučonych?