Kitajskaja žurnalistka pabłytała seks-cacku z hrybom nieŭmiručaści

Videa imhnienna zrabiłasia chitom internetu.

Maładzieńkaja kitajskaja žurnalistka Je Juńfien pakazała hledačam miascovaj prahramy cuda-hryb, jaki apynuŭsia zamieńnikam vahiny, choć i niezvyčajnym.

Dziaŭčyna zładziła ŭłasnaje rasśledavańnie i z dapamohaj adnaho ź miascovych žycharoŭ navat vyśvietliła bijałahičny vid hryba. Jak paviedamlaje partał Orange news, aŭtar repartažu, apisvajučy znojdzieny cuda-hryb, raspaviała hledačam, što na vierchnim jaho kapialušyku jość niejkaja davoli šyrokaja adtulina, złučanaja z adtulinaj mienšaha dyjamietra ŭ nižnim kapialušyku. «Hryb navobmacak vielmi miakki, a kali jaho trymaješ u rukach, to byccam trymaješ kavałak płoci», — padzialiłasia ŭražańniami Juńfien.

Dziaŭčyna pryjšła da vysnovy, što ŭ jaje ŭ rukach raznavidnaść hryba linčžy (linhšy, rejšy), jaki ŭ Kitai nazyvajuć «hrybom nieŭmiručaści». U tradycyjnaj kitajskaj miedycynie hetamu hrybu nadadzienaja najvyšejšaja katehoryja z punktu hledžańnia šyraty dziejańnia i adsutnaści pabočnych efiektaŭ. Prateiny ŭ im ŭtrymlivajuć usie niezamiennyja i najbolš pašyranyja zamianialnyja aminakisłoty i amidy. A tłuščy — u asnoŭnym nienasyčanyja tłuščavyja kisłoty. Hety hryb bahaty vitaminami S i D i minierałami — kalcyjem, fosfaram, žalezam, skazana na sajcie zdaroŭja i amaładžeńnia Beautyway.

Seks-industryja ŭ Kitai da kanca XX stahodździa była vielmi słaba raźvitaja. Pieršy seks-šop ŭ krainie byŭ adkryty tolki ŭ 1993 hodzie, paviedamlaje aŭstryjskaja hazieta Der Standart. Praŭda,

ciapier u Kitai bolš za 200 tysiač kram z cackami dla «ŭciech», a dziaržava stała lidaram pa ekspartu seks-pryładaŭ, pry tym, što 70% pradukcyi ŭsio ž taki zastajecca na kitajskich pryłaŭkach.

Hledačy TV-rolika adrazu vyznačyli, što za dziŭny «hryb» znajšli žychary vioski, a mnohija navat patelefanavali ŭ telekampaniju, kab adukavać jaje supracoŭnikaŭ, piša Daily Mail.

Tolki za pieršuju noč paśla efiru heta videa ŭ Kitai nabrała kala miljona prahladaŭ, a ŭ kamientarach pačałosia abmierkavańnie biezzahannaści junaj žurnalistki.

Redakcyja kanała na nastupnuju ranicu patłumačyła kurjoz davoli miła: «Naša žurnalistka jašče takaja junaja i niavinnaja».

Kamientary da artykuła