Łukašenka: Biełaruś — za nieadkładnaje spynieńnie błakady Kuby z boku ZŠA
Biełaruś poŭnaściu padtrymlivaje Kubu ŭ baraćbie suprać błakady z boku ZŠA, zajaviŭ 25 červienia ŭ Havanie Alaksandr Łukašenka na sustrečy sa staršynioj Dziaržaŭnaha savieta i Savieta ministraŭ Kuby Raulem Kastra Rusam.
«Biełaruś rašuča vystupaje za nieadkładnaje spynieńnie haniebnaj błakady Kuby z boku ZŠA».
Na dumku kiraŭnika Biełarusi, hałasavańnie pa hetaj rezalucyi ŭ AAN «z hoda ŭ hod nahladna demanstruje, što zachavańnie biessensoŭnaha rudymientu časoŭ chałodnaj vajny padryvaje aŭtarytet samich Złučanych Štataŭ».
«My vystupajem za ŭmacavańnie dobrasusiedskich adnosinaŭ pamiž dziaržavami. Za vyrašeńnie sprečnych pytańniaŭ šlacham pieramoŭ i stvareńnie ŭmoŭ dla bieśpieraškodnaha supracoŭnictva z usimi krainami», — padkreśliŭ Łukašenka.
25 červienia ŭ Havanie padpisany pakiet dakumientaŭ pa supracoŭnictvie Biełarusi i Kuby ŭ halinie sielskaj haspadarki, pramysłovaści, achovy zdaroŭja, navuki i technałohij.