29 červienia — viečaryna pamiaci Uładzimira Konana

Hod tamu pajšoŭ z žyćcia viadomy biełaruski fiłosaf Uładzimir Konan. U pamiać pra słynnaha navukoŭca, litaraturaznaŭca, estetyka 29 červienia ŭ 18.30 Dziaržaŭny litaraturna-miemaryjalny muziej Jakuba Kołasa (Akademičnaja, 5) zaprašaje na ŭšanavalny viečar «patryjarcha biełaruskaj fiłasofii».

Na sustreču zaprošany kalehi, adnadumcy, siabry Uładzimira Konana, siarod jakich fiłosaf, kulturołah, sacyjołah, doktar fiłasofskich navuk, prafiesar kafiedry kulturałohii Biełaruskaha dziaržaŭnaha ŭniviersiteta kultury i mastactvaŭ Enhiels Daraševič, litaraturaznaviec, doktar fiłałahičnych navuk Arsień Lis, litaraturaznaviec, prafiesar kulturałohii Biełaruskaha dziaržaŭnaha piedahahičnaha ŭniviersiteta imia Maksima Tanka Alaksiej Rahula, mastak-płakatyst Uładzimir Krukoŭski, a taksama ziemlaki, svajaki słavutaha vučonaha, jakija padzielacca svaim bačańniem jaho miesca ŭ biełaruskaj navucy i kultury, uspaminami pra sumiesnuju pracu i sustrečy ź im, vykažuć prapanovy pa ŭšanavańni jaho pamiaci i tvorčaha nabytku.

Uvachod volny.

Kamientary da artykuła