Biełaruski kaśmičny aparat płanujecca zapuścić 22 lipienia

Fiederalnaje kaśmičnaje ahienctva Rasii (Raskosmas) pryznačyła na 22 lipienia raniej adkładzieny z-za roznahałośsiaŭ z Kazachstanam zapusk rakiety «Sajuz» z błokam piaci kaśmičnych aparataŭ («Kanopus-V», BKA, MKA-PN1, ADS-1, TET-1), paviedamlaje RIA Novosti.

Rasijski aparat dystancyjnaha zandavańnia Ziamli «Kanopus-V», danyja ź jakoha budzie vykarystoŭvać, u pryvatnaści, Rashidramiet, biełaruski spadarožnik BKA («Biełaruski kaśmičny aparat»), pieršy aparat ź sieryi małych navukovych spadarožnikaŭ MKA-FKI — «MKA-PN1» («Zond-PP»), kanadski spadarožnik ADS-1B i niamiecki TET-1 znachodziacca na kasmadromie Bajkanur ź siaredziny krasavika.

U jakaści terminu zapusku raniej nazyvałasia pieršaja pałova 2012 hoda, zatym 7 červienia. Paźniej termin zapusku byŭ adsunuty na 21 červienia, adnak ułady Kazachstana doŭha nie ŭzhadniali start z-za adsutnaści miždziaržaŭnaha pahadnieńnia ab rajonach padzieńnia stupieniaŭ rakiet-nośbitaŭ.

Aprača zapusku piaci spadarožnikaŭ z-za hetych roznahałośsiaŭ byŭ atrymany zapusk jeŭrapiejskaha mietearałahičnaha kaśmičnaha aparata MetOp-B na rakiecie-nośbicie «Sajuz-2.1a». Zhodna z apošnimi źviestkami, jon moža adbycca ŭ druhoj pałovie lipienia.

U siaredzinie červienia prem'jer-ministr Kazachstana Karym Masimaŭ paśla sustrečy sa svaim rasijskim kaleham Dźmitryjem Miadźviedzievym daŭ Rasii dazvoł na praviadzieńnie zapuskaŭ kaśmičnych aparataŭ z Bajkanura.

Biełaruski kaśmičny aparat dystancyjnaha zandavańnia Ziamli stvorany pa zakazie Nacyjanalnaj akademii navuk Biełarusi.

Zapusk pieršaha spadarožnika hetaha typu adbyŭsia 26 lipienia 2006 hoda z kasmadroma Bajkanur, adnak zakončyŭsia niaŭdačaj z-za avaryi rakiety-nośbita «Dniepr».

BiełaPAN.

Kamientary da artykuła