Pieršakurśniki adznačyli zakančeńnie siesii strašnaj avaryjaj — fota i videa

28.06.2012 / 15:16

19-hadovaja dziaŭčyna zahinuła, šeść čałaviek trapili ŭ balnicu.

Hrupa pieršakurśnikaŭ z Hrodna pajechała adznačać zakančeńnie siesii za horad.

Jany źniali dom u vioscy Karobčycy, što za niekalki kiłamietraŭ ad haradskoj rysy. Studenty jechali ŭ troch mašynach pa piać čałaviek u kožnaj.

Inśpiektary atrymali zapis ź videarehistratara, dzie bačna, što aŭtamabili jeduć z hrubymi parušeńniami PDR: pa čarzie abhaniajuć adzin adnaho, pierasiakajuć padvojnuju sucelnuju liniju raźmietki, ruchajucca na vialikaj chutkaści.

U niejki momant «Opiel Korsa», jaki ruchaŭsia pamiž dźviuma mašynami, pajšoŭ na abhon na moście praz raku Łasasianka. 19-hadovy kiroŭca, jaki mienš miesiaca tamu atrymaŭ pravy, nie spraviŭsia z kiravańniem i sutyknuŭsia z «Reno Miehanam», jaki ruchaŭsia nasustrač. U sałonie «Reno» byli dvoje mužčyn. «Reno» ad udaru vykinuła na pałasu sustrečnaha ruchu, udaryła ŭ adbojnik i viarnuła nazad. Kiroŭca «Opiela» pasprabavaŭ utrymać mašynu, adnak jana pierakuliłasia na dach, i jaje adkinuła na sustrečnuju pałasu, dzie ŭ jaje urezaŭsia jašče adzin «Reno Miehan» (z dvuma čałaviekami ŭ sałonie).

U avaryi na miescy zahinuła 18-hadovaja dziaŭčyna ŭ «Opieli», jakaja siadzieła za kiroŭcam. Jašče čatyry čałavieki z hetaj mašyny špitalizavany.

Taksama paciarpieli dva čałavieki z «Reno Miehan»: 19-hadovaja pasažyrka znachodzicca ŭ ciažkim stanie.

«Kiroŭca „Opiela“ paśla avaryi znachodziŭsia ŭ šokavym stanie, jon nie moh navat skazać, z kim jechaŭ.

Paŭtaraŭ tolki, što ŭ jaho siesija, jon nie spaŭ niekalki načej, a na dniach pavinien byŭ być apošni ispyt», — skazali ŭ DAI.

Mašynu dva tydni tamu nabyŭ jamu baćka. U DAI asabliva adznačyli, što nichto z pasažyraŭ, uklučajučy kiroŭcu «Opiela», nie byŭ pryšpileny ramianiami biaśpieki.

Čytajcie taksama:

Kamientary da artykuła