Łukašenkavy «Boinh 767» pryziamliŭsia ŭ Ekvadory

U miascovym mižnarodnym aeraporcie ničoha nie viedajuć ab techničnych prablemach z prezidenckim samalotam.

«Zaraz siomaja hadzina ranicy, i samalot znachodzicca ŭ našym aeraporcie. Paśpiachova tut pryziamliŭsia. Źviestak pra niejkija prablemy my nie majem. Bolš nijakaj infarmacyi paviedamić nie možam», — prainfarmavała aficyjnaja asoba mižnarodnaha aeraporta ŭ Kita.

Nahadajem, što ŭčora kala 10.30 biełaruskaja delehacyja prybyła ŭ stalicu Ekvadora na samalocie Uha Čaviesa — na starym «Boinhu 737», jakim vieniesuelski lidar nie karystajecca z 2002 hoda.

Prezidencki samalot «Boinh 767», jaki vykarystoŭvaje Alaksandr Łukašenka, pavodle nieaficyjnaj infarmacyi kaštuje blizu 130 miljonaŭ dołaraŭ. Raniej samalot naležaŭ byłomu turkmienskamu lidaru Saparmuratu Nijazavu. Z hetym samalotam pieryjadyčna ŭźnikali prablemy, jakija nie dazvalali svoječasova ŭźlatać. Viadoma, što z-za prablemaŭ z «Boinham» Turkmienbašy zvalniaŭ vysokapastaŭlenych kiraŭnikoŭ hałoŭnaj avijakampanii svajoj dziaržavy. Paśla śmierci Nijazava «Boinh 767» vykupili biełarusy.

Aficyjnaj infarmacyi nakont taho, čamu Alaksandr Łukašenka pierasieŭ na były samalot Uha Čaviesa, pakul nie publikavałasia.

Kamientary da artykuła