Ceny na zvadkavany haz na AZS 30 červienia pavialičvajucca na 11%

Miežavyja roźničnyja ceny na zvadkavany haz pry realizacyi na aŭtamabilnych hazazapravačnych stancyjach 30 červienia pavialičvajucca na 11%. Na hetulki ž pavialičvajucca i adpusknyja ceny na haz vuhlevadarodny zvadkavany paliŭny dla aŭtamabilnaha transpartu.

Akramia taho, na 10% pavialičvajucca adpusknyja ceny arhanizacyj-vytvorcaŭ na haz vuhlevadarodny zvadkavany dla kamunalna-bytavoha spažyvańnia.

Jak paviedamili ŭ pres-słužbie Ministerstva ekanomiki, heta praduhledžana pastanovami viedamstva № № 51 i 52 ad 13 červienia.

«Ciapier dziejnyja adpusknyja ceny na haz zvadkavany nie zabiaśpiečvajuć rentabielnuju pracu arhanizacyj-vytvorcaŭ, jakija vypracoŭvajuć ich dla kamunalna-bytavoha spažyvańnia i dla aŭtamabilnaha transpartu», — prakamientavali ŭ pres-słužbie.

Tam adznačyli, što pavyšeńnie sioleta roźničnych cen na naftapradukty źmianili suadnosiny pamiž roźničnymi cenami na aŭtabienziny i zvadkavanyja hazy, što vykarystoŭvajucca dla zapraŭki aŭtatranspartu. «Z metaj zabieśpiačeńnia pavyšeńnia efiektyŭnaści finansava-ekanamičnaj dziejnaści naftapierapracoŭčych arhanizacyj pry realizacyi zvadkavanych hazaŭ na ŭnutranym rynku, vyklučeńnia najaŭnaha dysparytetu cen na naftapradukty dla zapraŭki aŭtatranspartu Ministerstvam ekanomiki i było pryniata rašeńnie ab pavieličeńni cen», — rastłumačyŭ supracoŭnik ministerstva.

Kamientary da artykuła