Pad Mastami pa vinie niećviarozaha kiroŭcy zahinuli dvoje navučencaŭ liceja
Dva čałavieki zahinuli i dva byli traŭmavany ŭ vyniku DTZ u Mastoŭskim rajonie Hrodzienskaj vobłaści.
Jak paviedamili va ŭpraŭleńni DAI UUS Hrodzienskaha abłvykankama, viečaram 27 červienia
Viarnuŭšysia dachaty niećviarozym, jon vyciahnuŭ z sumački svajoj sužycielki klučy ad jaje «Reno» i pajechaŭ katacca.
Mužčynie pa niejkaj pryčynie nieabchodna było jechać u Skidal. Pa darozie sustrelisia troje nieznajomych chłopcaŭ.
Spyniŭšysia, kiroŭca pačaŭ cikavicca ŭ ich, jak jamu dajechać u Skidal. Maładyja ludzi tak i nie zmahli na słovach rastłumačyć maršrut i pahadzilisia pajechać razam ź im pakazać darohu.Nie dajechaŭšy da Skidala, pjany vadziciel nieviadoma pa jakoj pryčynie raźviarnuŭsia i pajechaŭ nazad u Vaŭkavysk. Na padjeździe da vioski Łunna Mastoŭskaha rajona jon nie spraviŭsia z kiravańniem, aŭtamabil źjechaŭ u levy kiuviet i pierakuliŭsia.
Pakolki sam kiroŭca i troje jaho pasažyraŭ nie byli pryšpilenyja ramianiami biaśpieki, u momant DTZ ich vykinuła z aŭtamabila. Kiroŭca atrymaŭ pierałomy, a troch maładych ludziej, jakija, jak vyśvietliłasia paźniej, źjaŭlajucca navučencami adnaho ź licejaŭ Vaŭkavyska, pryjšłosia špitalizavać.
Paśla akazańnia miedycynskaj dapamohi adnaho18-hadovaha chłopca tak i nie ŭdałosia vyratavać. Jašče adzin pasažyr pamior u reanimacyi bližej da viečara.
Vinavaty ŭ avaryi nikoli nie mieŭ paśviedčańnia kiroŭcy. U momant avaryi ŭtrymańnie ałkaholu ŭ jaho kryvi skłała 1,25 pramile.