Mahiloŭski hurt Akute zajhraje na «Banderštacie»
Fest u honar Ściapana Bandery projdzie ŭ Łucku ad 3 da 5 žniŭnia.
Mierapryjemstva pryśviečana pamiaci nacyjanalnaha hieroja Ukrainy, kiraŭnika Arhanizacyi ŭkrainskich nacyjanalistaŭ Ściapana Bandery dy ŭsich vajaroŭ Ukrainskaj Paŭstanckaj Armii. Jak śpiecyjalny hość, u druhi dzień festu na scenu vyjdzie biełaruski hurt Akute.
Chedłajnierami fiestyvalu ŭ hetym hodzie buduć viadomyja ŭkrainskija hurty «Komu Vniz» i «Tanok na Majdani Kongo».
Fest pravodzić moładzievaja arhanizacyja «Nacyjanalny aljans».
Da ŭdziełu ŭ im zaprašajucca tolki vykanaŭcy, tvorčaść jakich maje «praŭkrainski źmiest». Ale dla biełaruskaha hurta tradycyjna robicca vyklučeńnie. Raniej na «Banderštacie» užo vystupali «Tavaryš Maŭzer», Vincent i Terrakod.
Akramia muzyčnaj sceny
ŭdzielnikaŭ fiestyvalu čakajuć sustrečy ź vieteranami Ukrainskaj Paŭstanckaj Armiii viadomymi hramadskimi i kulturnymi dziejačami, litaraturnaja scena i šerah lekcyjaŭ na raznastajnuju tematyku, etničny kirmaš, načny kinasieans ukrainskaha kino na paŭstanckuju tematyku, rekanstrukcyja boju pamiž UPA i NKUS, načnyja piesiennyja vohniščy i šmat inšaha.