«Butelečny kvintet» hraje kłasiku i pop-rok - videa

Z vuličnych muzykaŭ chłopcy stali prafiesijanałami.

Kali hetyja piaciora chłopcaŭ ź Bierlina źbirajucca razam vypić piva, ich chvaluje tolki adno — jak budzie hučać pustaja butelka ad taho ci inšaha hatunku piva.

GlassBlowSing-Quintet nie vykarystoŭvaje zvyčajnych muzyčnych instrumientaŭ, a tolki šklanyja i płastykavyja butelki. «Jak možna pabačyć, navat butelki mohuć być nakštałt roznych instrumientaŭ, u ich možna dźmuć, pa ich možna stukać i atrymlivać samyja roznyja huki», — havoryć Peter, adzin z muzykaŭ hurtu.

«Pieradusim my zasiarodžvajemsia na ŭzajemadziejańni.

Heta vielmi nie prosta — hrać adnačasova ŭpiacioch, dy jašče na butelkach, i kab miełodyja hučała pravilna.

Napačatku «butelečny kvintet» hraŭ tolki na vulicach Bierlina. Ale ŭ 2003 h. chłopcy advažylisia vyjści na scenu i pačali hastralavać pa Niamieččynie, Šviejcaryi dy Aŭstryi.

Ad 2006 h. hrańnie muzyki na butelkach stałasia ichnaju asnoŭnaju prafiesijaj.

Songs on empties i No power to the cans — heta, badaj, ichnyja samyja viadomyja muzyčnyja prahramy, a repiertuar hurtu samy šyroki — ad kłasičnych tvoraŭ i muzyki z kinafilmaŭ da papularnaj muzyki i roku.

Kamientary da artykuła