Parłamient Ukrainy padniaŭ status rasiejskaj movy
Viarchoŭnaja Rada Ukrainy na pasiadžeńni ŭ aŭtorak 248 hałasami ŭchvaliła ŭ druhim čytańni zakon pra status rasiejskaj movy, uniesieny deputatami ad uradavaj Partyi rehijonaŭ. Pavodle dakumienta rasiejskaja mova atrymaje status rehijanalnaj tam, dzie jana źjaŭlajecca rodnaj minimum dla 10% nasielnictva.
Ciapier zakonaprajekt jašče maje padpisać prezident Ukrainy Viktar Janukovič.
Apazicyja vystupała suprać pryniaćcia hetaha zakona, i padčas jaho razhladu ŭ Viarchoŭnaj Radzie navat adbyvalisia bojki. Padčas siońniašniaha hałasavańnia deputaty ad ŭradavaj partyi ŭziali ŭ koła trybunu.