U Rasii pravasłaŭnyja zaklikajuć adklučyć Facebook
Na padstavie «prapahandy homaseksualizmu siarod niepaŭnaletnich».
Pravasłaŭnyja aktyvisty z Saratava (Rasija) siońnia zapatrabavali ad sacyjalnaj sietki Facebook prybrać ikonki, jakija abaznačajuć adnapołyja adnosiny. Na vykanańnie hetych patrabavańniaŭ pravasłaŭnyja dali sacsietcy 24 hadziny. U advarotnym vypadku jany pahražajuć padać na Facebook u sud i abvinavacić u prapahandzie homaseksualizmu siarod niepaŭnaletnich.
«Kali jany takija razumnyja i ni pierad čym nie spyniajucca dla dasiahnieńnia finansavaha dabrabytu, my pavinny ich spynić, — kaža Uładzimir Raślakoŭski, pravasłaŭny hramadski dziejač. — My zakidajem pazovami ŭsich pravajderaŭ da takoj stupieni, što im pryjdziecca pajści na našy patrabavańni.
A patrabavańnie adno — vyklučyć Facebook u krainieŭ suviazi z prapahandaj homaseksualizmu i leśbijanstva. Bo ŭ asnoŭnym sietkaj karystajecca moładź, dyk jakoj jana vyraście hledziačy na heta? Siońnia my dasłali faks u Rasijski ofis kampanii. Kali praz 24 hadziny jany nie likvidujuć usie prykmiety prapahandy sadamitaŭ, niachaj narakajuć na siabie. Pryjšli ŭ Rasiju i naviazvajuć nam svaje pošłyja praviły. Zakony krainy i jaje hramadzianie zmohuć abaranić svaich dziaciej».
Dosyć dziŭna, što mišeńniu dla «praviednaha hnievu» była abranaja najpapularniejšaja sacyjalnaja sietka, a nie, naprykład, pradukcyja rasijskahaMahčyma, sprava ŭ tym, što sacyjalnyja sietki, asabliva Facebook, byli mahutnym instrumientam arhanizacyi masavych paślavybarčych pratestaŭ u Rasii.šou-biznesu i telekanałaŭ.