Sidorski: Biełaruś budzie zdabyvać naftu ŭ Azerbajdžanie
— Nam byli pradastaŭlenyja — skazaŭ Sidorski, — usie mahčymaści pa vybary ŭmovaŭ supracoŭnictva.
Premjer‑ministar Biełarusi Siarhiej Sidorski 29 sakavika, u zakančeńni svajho vizytu ŭ Azerbajdžan, paviedamiŭ, što biełaruskija kampanii buduć zdabyvać naftu ŭ Azerbajdžanie.
— Nam byli pradastaŭlenyja — skazaŭ Sidorski, — usie mahčymaści pa vybary ŭmovaŭ supracoŭnictva.
Sidorski skazaŭ, što Biełaruś dapuskaje azerbajdžanskija naftavyja kampanii na svoj rynak — jany buduć pierapracoŭvać naftu na biełaruskich pradpryjemstvach, a naftapradukty buduć pastaŭlacca na ekspart. Nafta budzie transpartavacca čyhunkaju ŭ cysternach.
Biełaruś planuje taksama adčynić u Azerbajdžanie zboračnuju vytvorčaść aŭtamabilaŭ «MAZ» — baki planujuć vyrablać da tysiačy aŭtamabilaŭ u hod. Vytvorčaść traktaroŭ MTZ, jakaja zaraz tam adbyvajecca — chočuć davieści ŭ 2008 hodzie taksama da tysiačy.
U pačatku traŭnia ŭ Azerbajdžanie maje adbycca nacyjanalnaja vystava Biełarusi.