Ličylniki pastaviać u kožnaj kvatery
Pra heta paviedamiŭ načalnik upraŭleńnia žyllovaj haspadarki Ministerstva žyllova-kamunalnaj haspadarki Biełarusi Edmund Hryškievič.
U Biełarusi da kanca 2008 hoda va ŭsich kvaterach pavinny być ustalavany ličylniki vady. Pra heta paviedamiŭ načalnik upraŭleńnia žyllovaj haspadarki Ministerstva žyllova-kamunalnaj haspadarki Biełarusi Edmund Hryškievič.
Jon nahadaŭ, što takoje daručeńnie sioleta ŭ studzieni było dadziena kiraŭnikom krainy. Pa słovach Hryškieviča, u ciapierašni čas u Biełarusi ekspłuatujecca bolš za 2,5 młn kvater, abstalavanych voda-pravodam. Z ich ličylniki vady ŭstalavany ŭ bolš jak 800 tys. kvater.
Vydatki na ich ustanoŭku składuć kala 350 młrd rubloŭ, ahułam spatrebicca amal 3,5 młn ličylnikaŭ. Adnak pakul nie vyrašany pytanni finansavańnia prac z pryciahnieńniem kredytaŭ bankaŭ pad harantyi miascovych vykanaŭčych i rasparadčych orhanaŭ, paviedamlaje BIEŁTA.