Miedytacyja dla ofisa pa-biełarusku
Načalnik padajecca varjatam, adpačynak adkładajecca, a mazhi ŭžo ledź tryvajuć — pryśpieŭ čas pierarvacca na rełaksacyju.
Błoh etna-elektronnaha muzyčnaha prajekta Šuma prapanuje supracoŭnikam ofisaŭ aŭdyjo miedytacyi pa-biełarusku.
«Siabry, u čas napružanaha leta, kali nadvorje chistajecca ad daždžu da śpioki, načalnik padajecca varjatam, adpačynak u čarhovy raz adkładajecca na “pajedu paźniej”, a mazhi ŭžo ledź tryvajuć — heta sihnał da taho, što pryśpieŭ čas pierarvacca na rełaksacyju, — pišuć aŭtary idei. — Praktykujučy zdarovy ład žyćcia, my ź vialikaj luboŭju padrychtavali dla vas pieršuju ŭ historyi biełaruskaj ezateryčnaj praktyki “biełaruskuju miedytacyju dla ofisu”. Zabirajem vas u Kosmas! Šuma-miedytacyja dapamoža vam pierapynicca na 10 chvilin, raźniavolić cieła i dać adpačynak mazham. Ściahvajcie, słuchajcie, miedytujcie pa-biełarusku!»
Parada ad stvaralnikaŭ:
Raim vam prasłuchoŭvać trek u jakasnych słuchaŭkach, bo muzyka dla medytacyi ŭtrymlivaje bieły šum i «zarad» na dabro i ščaście:)
Padziaki:
Šuma vielmi ŭdziačnaja redaktaru tekstu šuma-miedytacyi Alesiu Navickamu.