U Iranie — vostry valutny kryzis
U krainie ŭvodziacca try kursy abmienu miascovaha ryała na dalar.
Iran ŭvodzić abmiežavańni na kanviertacyju z pryčyny niedachopu ŭ krainie zamiežnaj valuty, paviedamlaje Reuters.
Dla kupli tavaraŭ pieršaj nieabchodnaści banki buduć pradavać $ 1 za 12260 ryałaŭ, dla kupli srodkaŭ vytvorčaści i pramiežkavych tavaraŭ - za 15000. Va ŭsich astatnich vypadkach irancam pryjdziecca zapłacić 19000 za $ 1.
Za apošni hod kurs iranskaha ryała źniziŭsia bolš čym na 50%. Ekśpierty kažuć, što heta źviazana z sankcyjami, uviedzienymi ZŠA i Jeŭrasajuzam za raźvićcio Iranam svajoj jadziernaj prahramy.
U pačatku lipienia paviedamlałasia, što zdabyča nafty, jakaja źjaŭlajecca asnoŭnaj krynicaj dachodaŭ Irana, źniziłasia da minimumu za 20 hadoŭ.