Eštan: U sercy Jeŭropy palitviaźniaŭ być nie pavinna
Martynavu ŭ Bruseli pryjšłosia vysłuchać krytyku.
Pravaabaronca Aleś Bialacki ŭžo hod jak za kratami.
Prysutnaść ministra zamiežnych spraŭ Biełarusi Siarhieja Martynava na sustrečy ŭ Brusieli 23 lipienia dała mahčymaść «jašče raz hučna zajavić pra zaniepakojenaść» situacyjaj u krainie, skazała viarchoŭny pradstaŭnik Jeŭrasajuza pa źniešniaj palitycy i palitycy biaśpieki Ketryn Eštan na
Eštan jašče raz padkreśliła, što ES zaniepakojeny adsutnaściu pavahi pravoŭ čałavieka, viaršenstva zakona, demakratyi i niezaležnaści ŚMI ŭ Biełarusi.
«My znoŭ zajavili pra nieabchodnaść nieadkładnaha vyzvaleńnia i reabilitacyi ŭsich palitźniavolenych, spynieńni lubych represij u krainie i praviadzieńni sumlennych i adkrytych parłamienckich vybaraŭ u vieraśni, — skazała Eštan.— Naša pasłańnie Biełarusi było vielmi jasnym i vyraznym: niama miesca palitźniavolenym u sercy Jeŭropy».
U toj ža čas, adznačyła kiraŭnik jeŭrapiejskaj dypłamatyi, ES zachoŭvaje palityku krytyčnaha ŭzajemadziejańnia ź Biełaruśsiu. «Uschodniaje partniorstva źjaŭlajecca važnaj płatformaj dla prasoŭvańnia Biełarusi da jeŭrapiejskich kaštoŭnaściaŭ. My hatovyja pahłybić naša supracoŭnictva, jak tolki palityčnaja situacyja ŭ Biełarusi źmienicca», — skazała jana.