Zatrymanyja kiraŭniki UKB Homielskaha harvykankama
Upraŭleńnie Śledčaha kamiteta pa Homielskaj vobłaści pryniało da vytvorčaści kryminalnuju spravu, raspačatuju raniej UKDB, ab pieravyšeńni słužbovych paŭnamoctvaŭ słužbovymi asobami ŭpraŭleńnia kapitalnaha budaŭnictva (UKB) Homielskaha harvykankama.
Čaćviarym čynoŭnikam, kiraŭnikam upraŭleńnia, užo pradjaŭlena abvinavačańnie va ŭčynieńni złačynstva suprać intaresaŭ słužby. Jany źmieščanyja pad vartu.
Złoŭžyvańni vyjaŭleny pry realizacyi čynoŭnikami žyłych pamiaškańniaŭ, što znachodziacca ŭ kamunalnaj ułasnaści Homiela. Jak paviedamiła aficyjny pradstaŭnik upraŭleńnia Śledčaha kamiteta pa Homielskaj vobłaści Maryja Kryvanohava, słužbovyja asoby UKB zaklučyli šerah dahavoraŭ ab utvareńni abjektaŭ dolevaha budaŭnictva ŭ žyłych damach bujnapanelnaha domabudavańnia ŭžo paśla ich uvodu ŭ ekspłuatacyju i afarmleńnia ŭ kamunalnuju ŭłasnaść. Pry hetym ceny, ukazanyja ŭ hetych dahavorach, byli značna nižejšyja za ich faktyčny košt.Ustanaŭlivajucca ŭsie akaličnaści supraćpraŭnaj dziejnaści padazronych.
Darečy, u mai 2012 hoda UKB harvykankama byŭ raskrytykavany Kamitetam dziaržkantrolu Homielskaj vobłaści.KDK pravieryŭ pradpryjemstva i vyjaviŭ šmatlikija parušeńni zakona. Naprykład, padradnaja arhanizacyja zavysiła košt budaŭnictva abjekta ŭ Homieli bolš jak na 1 młrd. rubloŭ.
Vykanańnie padradčykam dahavornych abaviazacielstvaŭ słužbovaj asoby UKB naohuł nie kantralavali, daviedki pra košt rabot, raźliki koštu pasłuh pa technahladzie padpisvali «z zakrytymi vačami». U vyniku padradčyk i śpiecyjalist pa technahladzie atrymlivali hrošy, praktyčna nie vykonvajučy svaich abaviazacielstvaŭ.