Usio žyćcio dapamahała chvorym dzieciam, a ciapier samoj patrebna dapamoha
39-hadovaj supracoŭnicy dziciačaha ankacentra patrebna terminovaje lačeńnie.
Vijalecie Haŭrynaj 39 hadoŭ. Ź ich 24 jana pracuje ŭ dziciačym ankałahičnym centry ŭ Baraŭlanach.U dziacinstvie Haŭryna sama ciažka chvareła, u 15 hadoŭ pajšła pracavać u ankacentr sanitarkaj, kab dapamahać chvorym dzieciam. Skončyła miedvučelniu, potym instytut. Pracavała psichołaham-piedahoham.
U siaredzinie 1990-ch u Vijalety vyjavili hiepatyt S. Jana trymała chvarobu pad kantrolem bolš za dziasiatak hadoŭ, ale ŭ 2010 joj stała zusim drenna. Vijalecie prapanavali płatnaje lačeńnie? i spačatku jano davała plon. Potym chvaroba pačała brać svajo. Vijalecie patrebny novy kurs lačeńnia.
«Mnie strašna i kryŭdna, ale luboŭ da žyćcia prymušaje zmahacca za zdaroŭje. Ja praciahvaju pracavać, dapamahać ankachvorym dzieciam. Ale svajo lačeńnie tak i nie pačała — niama hrošaj.Na jaho treba 34 tysiačy dalaraŭ. Kurs płanujuć na hod-paŭtara.
Moj zarobak — 180 dalaraŭ. Jak być — nie viedaju. Zastajecca tolki čakać i spadziavacca, što znojducca ludzi, jakija dapamohuć.Ja vuču dziaciej vieryć u pieramohu nad chvarobaj. Značyć, i sama budu vieryć», — raskazvaje pra siabie Vijaleta. Jaje znajomyja viedajuć, čaho kaštavała žančynie pajści na taki krok. Vijaleta vielmi nieachvotna dała dazvoł uklučyć jaje ŭ śpis dapamohi dabračynnaj supołki «Kłub 5000».
Siarod apiekunoŭ chvorych dziaciej niamała zorak ajčynnaj estrady i telebačańnia. Jany ładziać dla chvorych małych dabračynnyja kancerty. Mnohija ź ich arhanizavała akurat Vijaleta Haŭryna. «Zrabiŭšy nievialikaje achviaravańnie, vy adnačasova dapamožacie mnohim chvorym dzieciam, jakich padtrymlivaje Vijaleta — jana patrebnaja im!» — havorycca ŭ zvarocie ŭ padtrymku Haŭrynaj.
***
Dabračynnyja rachunki na imia Haŭrynaj Vijalety Dźmitryjeŭny:
AAT «AAB Biełarusbank», adździaleńnie № 176, f-ł № 511, h. Minsk, vuł. Vaniejeva, 18.
UNP 100349858
Kod Banka 153001815
Biełaruskija rubli — kod valuty 974 tranzitny rachunak 3819382103561 na dabračynny rachunak № 000001.
Rasijskija rubli — kod valuty 643 tranzitny rachunak 3819382104993 na dabračynny rachunak № 000002.
Dalary ZŠA — kod valuty 840 tranzitny rachunak 3819382104993 na dabračynny rachunak № 000007.
Jeŭra — kod valuty 978 tranzitny rachunak 3819382104993 na dabračynny rachunak № 000001.
Pryznačeńnie płaciažu: dla zaličeńnia na dabračynny rachunak na imia Haŭrynaj Vijalety Dźmitryjeŭny dla jaje lačeńnia i reabilitacyi.