U Biełarusi čas pierapynieńnia pieradačy reklamaj budzie abmiežavany čatyrma chvilinami
Heta praduhledžana pryniatym siońnia nižniaj pałataj biełaruskaha parlamentu ŭ druhim čytańni zakonaprajektam «Ab reklamie».
U Biełarusi praciahłaść kožnaha pierapynieńnia pieradačy rekłamaj, u tym liku mastackaha filma, pavinna być nie bolš jak čatyry minuty. Heta praduhledžana pryniatym siońnia nižniaj pałataj biełaruskaha parłamienta ŭ druhim čytańni zakonaprajektam «Ab rekłamie».
Jak adznačyła ŭ vystupleńni namieśnik staršyni Pastajannaj kamisii pa žyllovaj palitycy, budaŭnictvu, handlu i pryvatyzacyi Hanna Burava, u metach abarony pravoŭ i zakonnych intaresaŭ spažyŭcoŭ rekłamy pry jaje vytvorčaści i raźmiaščeńni zakonaprajektam ustanaŭlivajecca šerah patrabavańniaŭ, abmiežavańniaŭ i zabaron. U pryvatnaści, rekłama nie pavinna pierasiahać 20 pracentaŭ abjomu viaščańnia dla radyjo‑ i teleprahram na praciahu sutak.
Pry hetym u pieryjad z 18.00 da 22.00 rekłama nie pavinna pierasiahać 30 pracentaŭ abjomu viaščańnia na praciahu kožnaj hadziny. Akramia taho, zakonaprajektam praduhledžvajecca, što pry tranślacyi rekłamy ŭzrovień jaje huku, a taksama huku paviedamleńnia ab nastupnaj tranślacyi rekłamy nie mohuć pierasiahać uzrovień huku tranśliravanaj prahramy, jakaja pierapyniajecca rekłamaj.
«Zakonaprajekt nakiravany na ŭdaskanaleńnie raźvićcia rekłamnaha rynku jak adnaho z važniejšych składalnikaŭ ekanomiki Biełarusi», — adznačyła Hanna Burava.