Bałada Janki Bryla
4 žniŭnia Narodnamu piśmieńniku spoŭniłasia b 95 hod.
(4.08.1917—25.07.2006)
A jon spakojna žyŭ… Pamior spakojna,
Jak nieba pamiraje nad ziamloj,
Dzie cišynia, jak škło, dzie viečna vojny,
Dzie rečak vieny z našaju kryvioj
Parezany, jak brytvaju, miažoj.
I nieba znoŭ spatolicca dušoj,
A nam, jak śviečkam, la kryža zastacca
Pad soncam, jak pad božaju ślazoj,
Dzie tolki na siabie nam spadziavacca,
Bo anichto, nichto nie dapamoža
Prajści zimu i heta biezdarožža,
Jakim siabie my časta suciašajem,
I naša nieba z nami pamiraje…
A jon pajšoŭ, jak Zaŭtra pamiraje,
Dzie cišynia, jak na ikonie škło,
Dzie žyŭ jon śvietła, dzie raście śviatło,
Dzie našaha i cieniu nie było…
25.07.2006