Partyja BNF vyłučyła 38 kandydataŭ
Partyja nie maje iluzij nakont vybaraŭ, ale vystupaje za ŭdzieł.
Lider Partyi BNF Alaksiej Janukievič zajaviŭ ŭ spravazdačy, što ŭmovy ŭdziełu ŭ vybarach dla apazycyi nijakim čynam nie źmianilisia, demakratyčnych vybaraŭ u Biełarusi niama, što paćviardžajuć i vyniki pieršych etapaŭ kampanii — farmavańnie akruhovych kamisijaŭ, a taksama represii suprać udzielnikaŭ kampanii ad apazycyi.
Ale niahledziačy na heta spadar Janukievič zaklikaŭ adnapartyjcaŭ brać udzieł u kampanii i vyłučyć svaich kandydataŭ na hetyja vybary:
«Palityčnaja sytuacyja ŭ Biełarusi nie spryjaje svabodnym vybaram, ale vykarystać vybarčuju kampaniju nieabchodna dla kantaktaŭ apazycyi ź ludźmi. Pra niežadańnie ŭładaŭ pravodzić demakratyčnyja vybary kaža i toje, što palitviaźni zastajucca ŭ turmach, i eskalacyja kanfliktu z Eŭraźviazam, i praces farmavańnia akruhovych vybarčych kamisij, u bolšaść jakich nie ŭklučany pradstaŭniki apazycyi.Ale Partyja BNF pryncypova vyrašyła vykarystoŭvać lehalnyja mahčymaści vybarčaj kampanii dla kantaktaŭ ź ludźmi. Nam treba pakazać, što apazycyja ŭ Biełarusi praciahvaje isnavać, a nie źjechała za miažu»,- zajaviŭ Janukievič.
«Pakul ludzi nie pavierać demakratyčnym siłam, nijakich pieramienaŭ u Biełarusi nia budzie. My pavinny zmahacca za kožnaha čałavieka, — dadaŭ Alaksiej Janukievič.- Nam vielmi važna iści na hetyja vybary, chacia b dla taho, kab vyjavić, ci jość što demakratyčnym siłam skazać ludziam… Chutčej za ŭsio 24 vieraśnia ničoha ŭ krainie nia źmienicca, nie budzie nivodnaha deputata ad BNF u Pałacie pradstaŭnikoŭ. Takich iluzijaŭ u nas niama. Ale na treba pracavać na perspektyvu, takaja praca udvaja bolš składanaja».
U źjeździe biaruć udzieł 53 delehaty.
Druhaja sesija źjezdu projdzie 15 vieraśnia. Sojm prapanuje ŭchvalić rašeńnie źjezdu ab adklikańni 15 vieraśnia kandydataŭ, jakija buduć vyłučanyja siońnia. Hetaja prapanova vyklikała dyskusiju na źjeździe, častka delehataŭ zaklikaje nie śpiašacca prymać takuju rezalucyju, bo,
«Amaralna iści ŭ deputaty, kali palitviaźni siadziać u turmach. Tamu ja prapanuju ŭsim padtrymać rašeńnie Sojmu. Tak, my ŭdzielničajem u kampanii, ale zdymajem svaje kandydatury za niekalki dzion da vybaraŭ, kali sytuacyja ŭ krainie nie pamianiajecca»,- zajaviŭ delehat źjezdu Źmicier Dryhajła.
Delehat Vital Makaranka zaznačyŭ, što ludzi nia vierać u hetyja vybary, vybarščykam jany nie cikavyja, tolki 40–45 pracentaŭ mohuć pryjści na ich, astatnich zahoniać na ŭčastki.
Ivan Šeha zaznačyŭ, što da pikietaŭ pa zbory podpisaŭ padychodziać šmat ludziej, cikaviacca. «Nielha kazać, što ludziam heta nie cikava. Treba pracavać».
Alaksiej Janukievič, padvodziačy vyniki dyskusii zaznačyŭ, što kančatkovaje rašeńnie budzie ŭchvalenaje 15 vieraśnia, ale ciapier treba padtrymać papiaredniaje rašeńnie Sojmu dla taho, kab deklaravać niezaležnamu hramadztvu, što naš udzieł u vybarach abumoŭleny:
«Kali hetaha nie zrabić, to ŭvieś nastupny čas nam daviadziecca adploŭvacca ad zajaŭ ab tym, što my zdradniki. Nam heta nia treba».
Bolšaść delehataŭ źjezdu padtrymała takuju prapanovu. 32 delehaty prahałasavali za, 7 — suprać.
Da pačatku źjezdu 37 siabraŭ Partyi BNF zajavili pra svajo žadańnie balatavacca na vybarach u Pałatu pradstaŭnikoŭ. Na źjeździe dadatkova zajavili pra svajo žadańnie balatavacca jašče 2 siabra partyi. Źjezd vyrašyŭ pry vyłučeńni hałasavać za kandydataŭ śpisam, kali
Pa troch vyłučencach ŭ adkaznaha sakratara Upravy BNF Alesia Kality byli advody. Jon prapanavaŭ nie hałasavać za Alesia Stračuka, bo toj zajaviŭ u ankiecie, što nia budzie vykonvać rašeńnie partyi ab źniaćci z vybaraŭ, a taksama zaklikaŭ nie vyłučać Jarasłava Biernikoviča i Valera Karankieviča, jakija ciapier aktyŭna dziejničajuć ad imia kampanii «Havary praŭdu!»
«BNF vykarystoŭvaje vybary ŭ svaich metach, a Biernikovič vykarystoŭvaje BNF u svaich metach. Jon kryvadušnik»,- zajaviŭ Aleś Kalita. Samoha Biernikoviča na źjeździe nie było.
Valer Karankievič, adkazvajučy na advod Kality, zaznačyŭ, što jon zastajecca aktyŭnym siabram BNF, što jon hatovy vykanać rašeńnie partyi ab źniaćci z vybaraŭ, što BNF nielha raskidvacca svaimi siabrami, apazycyi treba abjadnoŭvacca, a nie padzialacca.
U vyniku hałasavańnia źjezd admoviŭsia vyłučać Biernikoviča kandydatam u deputaty ad partyi, a voś Stračuka i Karankieviča vyłučyli. Ahulny lik vyłučanych skłaŭ 38 siabraŭ partyi.
Źjezd Partyi BNF taksama ŭchvaliŭ pieradvybarčuju platformu, stratehiju ŭdziełu BNF u parlamenckaj kampanii, rezalucyju z palityčnaj acenkaj umovaŭ vybaraŭ i zajavu «Svabodu» Alesiu Bialackamu! Svabodu palitviaźniam!».