Muziej Janki Kupały ŭ 3D-farmacie — fota i videa

Ekspazicyja litaraturnaha muzieja Janki Kupały źmianiłasia ŭpieršyniu z 1976 hoda

Adnoŭlenyja ekspazicyi adkryvaŭ ministr kultury Pavieł Łatuška.

Adnoŭlenyja ekspazicyi adkryvaŭ ministr kultury Pavieł Łatuška.

3 žniŭnia ŭ Dziaržaŭnym litaraturnym muziei Janki Kupały ŭ Minsku adkrylisia try abnoŭlenyja zały, pryśviečanyja žyćciu i tvorčaści paeta.

«Da 130-hodździa naradžeńnia Janki Kupały ŭ muziei paeta stvorana novaja ekspazicyja, jakaja raźmiaściłasia pakul što ŭ troch ekspazicyjnych załach. Nastupnaja čarha płanujecca ŭ nastupnym hodzie. Apošniaja ekspazicyja ŭ muziei była stvorana ŭ 1976 hodzie. Nadyšoŭ čas fundamientalna źmianić našu ekspazicyju», — paviedamiła zahadčyk adździeła navukova-ekspazicyjnaj i vystavačnaj pracy muzieja Hłafira Kušal.

Pavodle jaje słoŭ, u kožnaj zale ź`iaviŭsia manitor, na jakim pakazvajuć rečy, što nie ŭvajšli ŭ asnoŭnuju ekspazicyju, — knihi, listy, rukapisy. Na płaźmiennych panelach virtualnyja ekspanaty možna pahladzieć i pahartać.

U pieršaj zale, pryśviečanaj naradžeńniu Ivana Łuceviča, tranślujecca 3D-film pra śviata Kupalle, śpiecyjalna źniaty supracoŭnikami muzieja. Raku, vohniščy, vianki na vadzie naviedvalniki mohuć ubačyć u trochmiernaj vyjavie pry dapamozie 3D-akularaŭ.

U adnoj z załaŭ možna ŭbačyć rekanstrujavanuju biblijateku, u jakoj Kupała pracavaŭ, kali žyŭ u Vilni, — tut i mebla, i knihi, ź jakimi pracavaŭ i da jakich dakranaŭsia biełaruski paet.

«Skraznaja tema novaj ekspazicyi — tema šlachoŭ. Heta šlachi prodkaŭ Janki Kupały, jaho baćkoŭ, šlachi samoha Kupały pa Biełarusi i da Biełarusi i šlachi sučaśnikaŭ da Janki Kupały. Hałoŭnaja ideja ekspazicyi — pakazać Kupału jak paeta-praroka, ramantyka, fiłosafa», — adznačyła Kušal.

Jana padkreśliła, što ŭpieršyniu ŭ ekspazicyju ŭvajšła historyja rodu Łucevičaŭ, a taksama pašpart Kupały 1907 hoda.

Kamientary da artykuła