U Barysavie zatrymali Marholina i Vasiljeva
Namieśniku staršyni AHP i kiraŭniku barysaŭskaj haradzkoj arhanizacyi nie dali pravieści pieradvybarčy pikiet. Ich buduć sudzić.
4 žniŭnia milicyja Barysava nie dazvoliła namieśniku staršyni AHP Lvu Marholinu i kiraŭniku barysaŭskaj partyjnaj haradzkoj arhanizacyi Michaiłu Vasiljevu pravieści pieradvybarčy pikiet.
Jany sprabavali zładzić pikiet pad partyjnym lozunham «Za česnyja vybary biez «Łukašenki». Mienavita heta i stała pryčynaj admovy ŭ akcyi. Jak paviedamlaje aficyjny sajt AHP, major milicyi Ŭładzimier Vołkaŭ paličyŭ, što hetyja słovy nie źjaŭlajucca pieradvybarčaj ahitacyjaj, a vykazvajuć asabistaje niepryjaznaje staŭleńnie da kiraŭnika biełaruskaj dziaržavy.
U milicyi na Marholina i Vasiljeva skłali administratyŭny pratakoł. Ich spravu źbirajucca razhledzieć u sudzie ŭ paniadziełak, 6 žniŭnia.