Srebra ŭ płavańni, bronza ŭ tenisie
Alaksandra Hierasimienia i Viktoryja Azaranka papoŭnili skarbonku miedaloŭ.
U subotu 4 žniŭnia na Alimpijskich hulniach biełaruskija spartoŭcy zdabyli srebrany i bronzavy miedali.
Biełaruskaja płyŭčycha Alaksandra Hierasimienia pieramahła na dystancyi 50 m volnym stylem. Jana zaniała 2-je miesca i zavajavała srebrany miedal.
Pieršaje i treciaje miescy zanali płyŭčychi z Hałandyi Ranomi Kromavidžodža i Marlin Viełduis.
Nahadajem, što 2 žniŭnia Alaksandra Hierasimienia vyjhrała srebrany miedal u zapłyvie na 100 mietraŭ volnym stylem.
Heta byŭ pieršy padobny pośpiech biełaruskich płyŭcoŭ na Alimpijadach u składzie nacyjanalnaj kamandy.
Pieršaja rakietka śvietu Viktoryja Azaranka vyjhrała bronzavy miedal, atrymaŭšy pieramohu nad Maryjaj Kirylenkaj z Rasii (14-je miesca ŭ suśvietnym rejtynhu) ź likam 6:3; 6:4. Heta pieršy alimpijski miedal u historyi biełaruskaha tenisa.
Nahadajem, što ŭ paŭfinale Viktoryja sastupiła Sierenie Uiljams.
Siońnia ž, u subotu, Azaranka ŭ pary z Maksimam Mirnym pieramahła tenisistaŭ ź Indyi Leandera Pajes i Sani Mirza.
Byli nadziei ŭ hetuju subotu i na lehiendarnuju viaślarku Kaciarynu Karsten, jakaja vyjšła ŭ finał spabornictvaŭ pa akademičnym viesłavańni. Ale ŭ vyniku jana zaniała 5-je miesca.Paśla vystupu Kaciaryna patłumačyła, što napoŭnicu vystupić joj pieraškodziła atrymanaja ŭ krasaviku traŭma.
Załaty miedal zavajavała Mirasłava Knapkava z Čechii, srebrany — Fi Udbi Eryksen z Danii, bronzavy miedal — Kim Krou z Aŭstralii.
Dla 40-hadovaj Kaciaryny Karsten heta ŭžo 6-ja pa liku Alimpijada, pry čym na ŭsich jana ŭzdymałasia na pjedestał honaru.
U Atłancie-1996 i Sidnei-2000 jana zavajavała zołata, u Afinach-2004 stała siarebranym pryzioram, a ŭ Barsiełonie-1992 i Piekinie-2008 była bronzavym pryzioram.
Takim čynam, na siońnia my majem šeść miedaloŭ: 1 załaty, 2 srebranych i try bronzavyja.