Bujny mienski aŭtasalon pradaŭ patrymany aŭtamabil pad vyhladam novaha
«Reno» pradali za 68 młn.
Hramadskaje abjadnańnie «Abarona spažyŭca» zafiksavała ŭ Minsku vypadak prodažu adnym z bujnych dyleraŭ patrymanaha aŭtamabila pad vyhladam novaha. Pra heta paviedamiła staršynia HA «Abarona spažyŭca» Iryna Kanaplickaja 3 krasavika ŭ Minsku na pasiadžeńni kruhłaha stała «Unutrany rynak krainy: abarona pravoŭ i zakonnych intaresaŭ spažyŭca».
Pavodle jaje infarmacyi, zhodna z rašeńniem suda TAA «Aŭtapramservis», jakoje źjaŭlajecca aficyjnym dyleram «Reno» ŭ Biełarusi, abaviazana budzie zapłacić štraf u 230 młn. rubloŭ u dachod dziaržavy. Jak paviedamiła I.Kanaplickaja, «spažyviec nabyŭ u aŭtasałonie hetaj kampanii aŭtamabil «Reno» za 68 młn. rubloŭ jak novy i jakasny, adnak praz dva miesiacy stała zrazumieła, što mašyna zusim nie novaja i nie jakasnaja». Sudom była pryznačana kompleksnaja ekśpiertyza, jakaja pakazała, što aŭtamabil nie adpaviadaje jakaści novaha aŭtamabila. Sud pastanaviŭ vypłacić uron. «U kampanii była mahčymaść vyrašyć hetaje pytańnie ŭ dasudovym paradku, adnak jana heta praihnaravała, a ciapier vymušana nieści takija vialikija straty», — zaznačyła I.Kanaplickaja.
U svaju čarhu, «Aŭtapramservis» padaŭ u sud nahladnuju skarhu, jakaja budzie razhladacca na praciahu dvuch‑troch tydniaŭ. Da vyniasieńnia rašeńnia suda pa skarzie prypyniena pastanova ab apłacie ŭronu, paviedamiła BiełaPAN I.Kanaplickaja paśla zakančeńnia pasiadžeńnia kruhłaha stała.
Pavodle jaje infarmacyi, za 2006 hod na haračuju liniju HA «Abarona spažyŭca» źviarnułasia kala 2,5 tys. čałaviek. 30% ź ich skardzilisia na prodaž niajakasnych praduktaŭ charčavańnia, 35% — prodaž abutku nienaležnaj jakaści, a taksama niajakasnaje pradastaŭleńnie pasłuh, 15% skardzilisia na prodaž i niajakasny ramont mabilnych telefonaŭ. Pa pretenzijach, składzienych tavarystvam, spažyŭcam viernuta 84 młn. rubloŭ. Było padadziena ŭ sud 111 iskavych zajaŭ: u vyniku 23 spravy spynieny ŭ suviazi ź ich urehulavańniem, pa 13 spravach zaklučany miravyja pahadnieńni, zadavolena 67 iskaŭ i ŭ siami iskach było admoŭlena.
HA «Abarona spažyŭca» pracuje ŭ Biełarusi z 10 sakavika 2003 hoda. Tavarystva maje niekalki kirunkaŭ dziejnaści — abarona pravoŭ spažyŭcoŭ miedycynskich pasłuh, aŭtatechničnaja ekśpiertyza, u tym liku aŭtamabilaŭ, što trapili ŭ DTZ, zaklučeńnie śpiecyjalistaŭ pry ekśpiertyzie abutku i adzieńnia, hramadskaja inśpiekcyja praduktaŭ charčavańnia z zakončanymi terminami pryhodnaści. Telefon haračaj linii arhanizacyi: 284‑39‑34.