U stalicy niama kamu lačyć
U stalicy ŭkamplektavanaść daktarami nižejšaja za 63 pracenty, a zarobki maładych specyjalistaŭ mienšyja za 350 tysiač, paviedamiŭ staršynia kamitetu pa achovie zdaroŭja harvykankamu Dźmitry Pinievič.
U stalicy ŭkamplektavanaść daktarami nižejšaja za 63 pracenty, a zarobki maładych specyjalistaŭ mienšyja za 350 tysiač, paviedamiŭ staršynia kamitetu pa achovie zdaroŭja harvykankamu Dźmitry Pinievič.
Na hetu prablemu źviarnuŭ uvahu staršynia kamiteta pa achovie zdaroŭja Minharvykankama Dźmitryj Pinievič na pasiadžeńni harvykankamu, dzie razhladałasia pytańnie akazańnia miedycynskaj dapamohi žycharam horada va ŭmovach restrukturyzacyi sistemy achovy zdaroŭja.
Pavodle jaho słoŭ, amal 20 pracentaŭ śpiecyjalistaŭ paliklinik znachodziacca ŭ pieradpiensijonnym uzroście. Nie lepšaja situacyja z reanimatołahami, renthienołahami i inšymi śpiecyjalistami. Jak adznačyŭ dakładčyk, deficyt kadraŭ — samy niebiaśpiečny kryzis achovy zdaroŭja.
Pry hetym Dźmitryj Pinievič nie ŭpeŭnieny, što pavieličeńnie naboru ŭ miedycynskija VNU vyrašyć prablemu ŭ poŭnaj miery. Pavodle jaho dumki, u stalicy nie stvorany ŭmovy dla matyvacyi raboty maładoha śpiecyjalista ŭ dziaržaŭnaj achovie zdaroŭja. «Nieabchodna ŭstanavić nadbaŭki da zarpłaty rabotnikaŭ, asabliva maładych śpiecyjalistaŭ», — skazaŭ jon. U siarednim zarpłata maładych śpiecyjalistaŭ piarvičnaha źviana składaje nie bolš jak Br350?370 tys.
Akramia taho, Dźmitryj Pinievič ličyć nieabchodnym źnizić adtok śpiecyjalistaŭ u kamiercyjny siektar šlacham bolš žorstkich licenzijnych patrabavańniaŭ. «U Minsku 7 tys. uračoŭ pracujuć u kamunalnaj śfiery i amal 3 tys. — u kamiercyjnaj. Na našu dumku, u pryvatnych miedcentrach pavinny pracavać tolki śpiecyjalisty ź pieršaj i vyšejšaj kvalifikacyjnaj katehoryjaj. Heta budzie žorstkim previentyŭnym kantrolem jakaści», — padkreśliŭ jon, dadaŭšy pry hetym, što paśla pravierak kamitetam pa achovie zdaroŭja meryi kamiercyjnych struktur treć materyjałaŭ nakiroŭvajecca ŭ Ministerstva achovy zdaroŭja dla spynieńnia dziejańnia licenzij na miedycynskuju dziejnaść.