Usich troch kandydatak ad BCHD nie zarehistravali

Aktyvistkam arhkamiteta pa stvareńni partyi «Biełaruskaja chryścijanskaja demakratyja» (BCHD) Marynie Chomič, Volzie Kavalkovaj i Nadziei Ijulskaj 22 žniŭnia było admoŭlena ŭ rehistracyi kandydatami ŭ deputaty pałaty pradstaŭnikoŭ.

Jak paviedamlaje pres-słužba arhkamiteta, usie troje vyłučalisia pa vybarčych akruhach Minska. Pryčyny admovy źviazanyja z pamyłkami pry zapaŭnieńni dekłaracyi ab dachodach i majomaści.

«Miarkujučy pa tym, jak prachodzić rehistracyja kandydataŭ u deputaty, jak farmiravalisia ŭčastkovyja kamisii, vybary sioleta buduć jašče mieniej demakratyčnymi i svabodnymi, čym u papiarednija hady», — prakamientavaŭ situacyju sustaršynia BCHD Vital Rymašeŭski.

U toj ža čas, adznačyŭ jon, pra realnuju stratehiju ŭład na vybarach treba mierkavać usio ž pa vynikach razhladu skarhaŭ pretendentaŭ, jakim akruhovyja kamisii admovili ŭ rehistracyi kandydatami ŭ deputaty.

Kamientary da artykuła