U Homieli ŭsie kandydaty ad apazicyi zarehistravanyja

Akruhovyja vybarkamy Homiela, pasiadžeńni jakich prajšli 22 žniŭnia, zarehistravali ŭsich pretendentaŭ, vyłučanych kandydatami ŭ deputaty ad apazicyi.

Tak, akruhovaja kamisija Homielskaj-Savieckaj akruhi zarehistravała ŭsich piaciarych žadajučych stać kandydatami, u tym liku staršyniu abłasnoj arhanizacyi i namieśnika staršyni AHP Vasila Palakova, kaardynatara hramadzianskaj kampanii «Spravavodstva pa-biełarusku!» Ihara Słučaka.

«Usio prajšło davoli demakratyčna na hetym etapie, usio vyhladaje dobra i prystojna, kali nie viedać, čym usio heta zavieršycca, to składvajecca ŭražańnie, što kamisija pracuje ŭ adpaviednaści z zakonam», — adznačyŭ Palakoŭ. Jon paviedamiŭ, što vykanaje rašeńnie źjezda partyi i źnimie ŭ dalejšym svaju kandydaturu. «Palityčnyja źniavolenyja ŭ turmie, apazicyju nie ŭklučyli ŭ kamisii, nie ličačy adnaho čałavieka ŭ vobłaści, tamu ŭdzielničać u teatry absurdu nie baču sensu», — dadaŭ palityk.

U svaju čarhu, jak zajaviŭ Ihar Słučak, jon nie čakaŭ, što jaho zarehistrujuć. Jon ličyć siabie «cikavym kandydatam». «Kandydataŭ šmat, ale kali ja źbiraŭ podpisy, to było vidać, što ja cikavy ludziam, ludzi chacieli sa mnoj razmaŭlać, ja viadomy kandydat, cikavy, tamu ja dumaŭ, što mianie nie zarehistrujuć», — prakamientavaŭ Ihar Słučak.

Pa Homielskaj-Centralnaj akruzie № 33 byli zarehistravanyja ŭsie mahčymyja čatyry kandydaty, u tym liku vyłučeniec ad Biełaruskaj partyi levych «Spraviadlivy śviet» Siarhiej Sierhijenka.

Pa Homielskaj-Pramysłovaj akruzie taksama byli zarehistravanyja kandydatami ŭsie try žadajučyja, u tym liku hramadzianskaja aktyvistka Halina Kraŭčanka i člen AHP Uładzimir Kacora.

Pa Homielskaj-Sielmašaŭskaj akruzie byli zarehistravanyja dvoje kandydataŭ ź piaci pretendentaŭ: hiendyrektar VA «Homsielmaš» Valeryj Žmajlik i člen Partyi BNF Vasil Ramanaŭ.

Pa Homielskaj-Jubilejnaj akruzie byli zarehistravanyja try kandydaty z čatyroch pretendentaŭ, u tym liku člen AHP Alaksandr Karotčanka.

Pa Homielskaj-Navabielickaj akruzie rehistracyju atrymali troje kandydataŭ, z čatyroch pretendentaŭ, u tym liku člen AHP Uładzimir Niapomniaščych.

Pa Homielskaj-Sielskaj akruzie zarehistravany kandydatam člen AHP Adam Varaniec, pa Žytkavickaj — Anatol Chamiec, i pa Buda-Kašaloŭskaj — Marat Afanaśjeŭ.

Kamientary da artykuła