Interfiejs Mail.Ru pierakładzieny na biełaruskuju movu
Interfiejs paštovaha servisu Mail. Ru pierakładzieny na biełaruskuju movu, jakuju zaraz možna znajści ŭ naładach hetaj elektronnaj pošty.
Akramia taho bližejšym časam płanujecca vypusk śpiecyjalnaj temy afarmleńnia paštovaha interfiejsu, pryśviečanaj Biełarusi.
«My zaŭsiody imkniemsia da taho, kab zrabić našy servisy jak maha bližejšymi da karystalnikaŭ. Pierakład interfiejsu — adzin z samych važnych krokaŭ u hetym kirunku. Biełaruskaja ŭvajšła ŭ lik pieršych movaŭ, jakija „vyvučyła pošta“, bo vialikaja dola našych karystalnikaŭ žyvie ŭ hetaj krainie», — adznačyŭ kiraŭnik paštovaj słužby Mail. Ru Siarhiej Martynaŭ.
Raniej dla biełaruskaj aŭdytoryi byŭ łakalizavany prajekt «Naviny Mail. Ru».Sa studzienia
Kolkaść karystalnikaŭ internetu ŭ Biełarusi za apošni hod pavialičyłasia na 14,2% i skłała 4,3 młn. čałaviek (danyja ahienctva Gemius, maj 2012 hoda), ź ich bolš jak 80% vychodziać u internet štodnia. Varta adznačyć, što Mail. Ru Group lidziruje pa achopie aŭdytoryi: servisami kampanii karystajucca prykładna 68% biełaruskich karystalnikaŭ.
***
Pošta Mail. Ru, prajekt Mail. Ru Group, — najbujniejšy ŭ ruskamoŭnym siehmiencie sietki servis biaspłatnaj elektronnaj pošty. Siarod jaho klučavych asablivaściaŭ — nieabmiežavany abjom skryni, mahčymaść pierasyłki ŭkładańniaŭ da 20 hihabajt, abarona ad virusaŭ i spamu (u tym liku indyvidualnaja), temy afarmleńnia interfiejsu i listoŭ i mnohaje inšaje. Štomiesiačnaja aŭdytoryja prajekta (TNS, maj 2012 hoda) — 26,5 młn. karystalnikaŭ, uvachodzić u