Hleb, chutčej za ŭsio, zastaniecca ŭ BATE da kanca siezona
Paśla hulni z «Chapaelem» (2:0) Alaksandr Hleb, adkazvajučy na pytańnie pra vyklik u zbornuju Biełarusi [hulni 7 i 11 vieraśnia], zajaviŭ, što da hetych matčaŭ jašče daloka, i ciapier usie dumki ŭ jaho pra matč u adkaz ź izrailcianami [28 žniŭnia] i hulniu z «Homielem».
«Pryjdzie čas — budzie zbornaja. Da jaje jašče daloka. Ciapier zvarotnaja hulnia z „Chapaelem“, potym sustreča z „Homielem“. Tam pahladzim, što budzie».
Zhodna z kalendarom, sustreča z kamandaj Aleha Kubarieva zapłanavanaja na 2 vieraśnia.
Raniej Viktar Hančarenka vysoka aceńvaŭ mahčymaść taho, što kantrakt z Hlebam, jaki zaklučany da 30 žniŭnia, budzie praciahnuty.
Anatol Kapski paśla matču z «Chapaelem» zajaviŭ, što pytańnie z kantraktam Hleba budzie vyrašana paśla zvarotnaj hulni.
Pavodle infarmacyi Goals.by, realnych prapanoŭ z boku jeŭrapiejskich kłubaŭ ciapier u Hleba niama, i baki blizkija da taho, kab praciahnuć supracoŭnictva.Adnym z važnych faktaraŭ takoha rašeńnia paŭabaroncy moža stać vychad BATE ŭ hrupavy etap Lihi čempijonaŭ, šancy na jaki mocna vyraśli paśla chatniaj pieramohi nad «Chapaelem» (2:0).
Nahadajem, tranśfiernaje akno začynicca ŭ Jeŭropie 31 žniŭnia.