FPB prapanoŭvaje apytać nasielnictva ab płanach pavysić adličeńni ŭ FSAN
Siońnia pracaŭnik vypłačvaje 1% ad zarpłaty štomiesiac, najmalnik — 34%, a prapanoŭvajecca zrabić tak, kab rabotnik płaciŭ z zarpłaty 15%, a jaho najmalnik — 19%.
Fiederacyja prafsajuzaŭ Biełarusi (FPB) prapanoŭvaje pravieści apytańnie pracujučych žycharoŭ Biełarusi adnosna płanaŭ urada pavysić adličeńni ŭ Fond sacyjalnaj zaściarohi nasielnictva.
Jak paviedamlaje
«Siońnia pracaŭnik vypłačvaje 1% ad zarabotnaj płaty štomiesiac, najmalnik — 34%, a prapanoŭvajecca zrabić tak, kab rabotnik płaciŭ z zarpłaty 15%, a jaho najmalnik — 19%.Na dumku raspracoŭščykaŭ, heta pavinna palepšyć umovy viadzieńnia biźniesu i pavysić inviestycyjnuju pryvabnaść krainy», — adznačajuć u FPB, jakaja vystupaje suprać «takoha łabiravańnia intaresaŭ hrupy pryvatnych ułaśnikaŭ». «Pazicyju nacyjanalnaha prafcentra padtrymali i ŭ Ministerstvie pracy i sacyjalnaj abarony», — paviedamlaje
«Kab daviedacca staŭleńnie da mahčymych nastupstvaŭ svaich rašeńniaŭ, uradu varta spytać u naroda: chto kožny miesiac zhodny dapłačvać za
Jak padkreślivajuć u FPB, na siońnia siaredniaja zarpłata pa krainie vahajecca ŭ miežach 3–3,5 młn. rubloŭ.«Nievysokija zarobki na fonie darahoha žyćcia stanoviacca prablemaj dla ludziej. I zrazumieć ich možna. Bo pavyšajecca stupień ich udziełu ŭ finansavańni zatrat na
Pry zarabotnaj płacie ŭ 3–3,5 młn. rubloŭ pavieličeńnie adličeńniaŭ u Fond sacabarony nasielnictva z 1% da 15% pryviadzie da taho, što kožny pracujučy biełarus u siarednim stracić ad 450 da 525 tys. rubloŭ (zamiest 30–35 tysiač, jak raniej) z zarabotnaj płaty ŭ miesiac.
«U hetaj suviazi Fiederacyja prafsajuzaŭ jašče raz paćviardžaje raniej vykazanuju pazicyju ab niedapuščalnaści pieraraźmierkavańnia adličeńniaŭ u FSAN pamiž najmalnikami i rabotnikami. Padobnaje rašeńnie paciahnie za saboj jašče bolšaje padzieńnie sacyjalnych dachodaŭ nasielnictva, ličać u prafarhanizacyi», — havorycca ŭ paviedamleńni
«Nam kažuć: najmalnik pavialičyć rabotniku zarpłatu. Ale ci šmat znojdziecca najmalnikaŭ, jakija pa dobraj voli poŭnaściu zachočuć kampiensavać rabotnikam straty, a paśla hetaha jašče i pavysić im zarpłatu, ź jakoj daviadziecca płacić dadatkovyja padatki? Značna praściej budzie vypłačvać jaje „ŭ kanviertach“. Zatoje ŭ statspravazdačach čynoŭnikaŭ, možna nie sumniavacca, budzie krasavacca patrebnaja ličba. I zaŭvažcie: dla taho kab jaje pakazać, zusim nieabaviazkova pavyšać pradukcyjnaść pracy i da minimumu źnižać sabiekošt pradukcyi», — ličać u FPB.