Biełstat: Siaredni zarobak u lipieni — 470 dalaraŭ

A kolki atrymali Vy?

Naličany siaredniamiesiačny zarobak rabotnikaŭ u studzieni — lipieni 2012 hoda skłaŭ Br3 młn. 358,3 tys., paviedamiła pres-sakratar Nacyjanalnaha statystyčnaha kamiteta Alena Kandracienka.

U lipieni siaredniaja zarpłata rabotnikaŭ dasiahnuła 3 młn. 925,9 tys. rubloŭ (pavodle siońniašniaha kursu — 470 dalaraŭ), jana pavialičyłasia ŭ paraŭnańni z červieniem na 4,6%, abo na 173,8 tys. rubloŭ.

Realnaja zarabotnaja płata (zarabotnaja płata, raźličanaja z ulikam rostu spažyvieckich cen na tavary i pasłuhi) u studzieni-lipieni 2012 hoda ŭ paraŭnańni sa studzieniem-lipieniem 2011 hoda pavialičyłasia na 10,5%, u lipieni ŭ paraŭnańni z červieniem 2012 hoda — na 3,3%

Pavodle apieratyŭnych statystyčnych danych, u lipieni 2012 hoda ŭ pramysłovaści siaredniaja zarabotnaja płata skłała Br4 młn. 362 tys., na transparcie i ŭ suviazi — Br4 młn. 511,4 tys., u budaŭnictvie — Br4 młn. 664,8 tys.

U adukacyi siaredni zarabotak skłaŭ 2 młn. 704,2 tys. rub., u tym liku nastaŭnikaŭ — 3 młn. 200,3 tys. rub., prafiesarska-vykładčyckaha składu — 4 młn. 352 tys rub. U sielskaj haspadarcy, palavańni i lasnoj haspadarcy lipieńskaja siaredniaja zarpłata składała 3 młn. 93,7 tys. rub.

Zarabotnaja płata rabotnikaŭ achovy zdaroŭja i pradastaŭleńnia sacyjalnych pasłuh u lipieni skłałasia pamieram 3 młn. 102,6 tys., u tym liku ŭ halinie achovy zdaroŭja — 3 młn. 184,8 tys.

Siaredniaja zarabotnaja płata ŭračoŭ skłała 5 młn. 290,2 tys., siaredniaha miedycynskaha piersanału — 3 młn. 107,2 tys.

Kamientary da artykuła