Adkryty siezon palavańnia na rabčyka, šeruju kurapatku i fazana
Pra heta paviedamiŭ načalnik adździeła palaŭničaj haspadarki Ministerstva lasnoj haspadarki Siarhiej Šastakoŭ.
Pavodle jaho słoŭ, palavać možna ŭ śvietły čas sutak sa strelbaŭ na asobin luboha połu i ŭzrostu. Dazvoleny strelbavy sposab palavańnia z padychodu, z zasady, z padmańvańniem.Pry hetym možna vykarystoŭvać hładkarulnuju palaŭničuju strelbu z patronami sa šrotam. Možna taksama palavać z palaŭničymi sabakami, aprača hončych i chartoŭ. Dazvoleny taksama biazzbrojny sposab palavańnia z vykarystańniem łoŭčych ptušak.
Siezon palavańnia praciahniecca da druhoj niadzieli śniežnia.
Jak zaznačyŭ Šastakoŭ, u vieraśni možna taksama palavać na vysakarodnaha alenia i łasia. Palavańnie dazvolena z 18.00 da 9.00 i tolki na darosłych samcoŭ i sielekcyjnych žyvioł. Palavać možna ružejnym sposabam z zasady, z padmańvańniem.