Sprava Hulaka: milicyja zaviała administracyjny praces pa fakcie napadu na hieja
Vital Hulak sprabuje pryciahnuć da adkaznaści palaŭničych na hiejaŭ.
«NN» pisała pra vypadak ź Vitalom Hulakom. 27 lipienia ŭ Minsku na jaho napali, kali jon pryjechaŭ na sustreču z chłopcam, ź jakim paznajomilisia ŭ sacyjalnych sietkach. Akaŭnt akazaŭsia niesapraŭdnym, a Vitala sustreli zdarovyja dzieciuki. U vyniku Hulaka ŭdaryli pa tvary i abražali praź nietradycyjnuju seksualnuju aryjentacyju, jakuju jon nie chavaje.
Chłopiec napisaŭ zajavu ŭ milicyju. Ciapier pravierka zaviaršyłasia — u zaviadzieńni kryminalnaj spravy admoŭlena. Milicyjanty ŭstanavili asoby čatyroch napadnikaŭ (pa słovach paciarpiełaha, ich było značna bolš). Jany dali tłumačeńni, što
«kanflikt uźnik z-za nietradycyjnaj aryjentacyi Hulaka».
Ale ŭ ich dziejańniach, na dumku ŭčastkovaha, «nie prahladajecca naniasieńnie značnaj škody hramadskamu paradku». A tamu kryminalnaja sprava pa artykule «Chulihanstva» nie moža być raspačata.
Ale adnaho z maładych ludziej pryciahnuć da administratyŭnaj adkaznaści — pa artykule «Naŭmysnaje naniasieńnie cialesnaha paškodžańnia».
Jon biŭ Vitala fałaimitataram pa tvary. A heta ŭžo kudy mienšaja adkaznaść — štraf ad 10 da 30 bazavych vieličyniaŭ albo administracyjny aryšt.