U minskim mikrarajonie Vialiki Les pabudujuć kvartał dla vajskoŭcaŭ

U novym žyłym kvartale, zaprajektavanym u rajonie vulicy Fohiela, zapłanavanaje budaŭnictva piaci žyłych budynkaŭ: dvuch karkasna-błokavych uzdoŭž praśpiekta Niezaležnaści i troch panelnych.

Usiaho tut budzie 1042 kvatery, paviedamlaje ahienctva «Minsk-Naviny». Dla navasiołaŭ praduhledžanyja dziciačy sadok razam z pačatkovaj škołaj na 260 miescaŭ i dvuchpaviarchovy handlovy centr z kaviarniami.

Pošta, bank, apteka raźmieściacca va ŭbudavanych pamiaškańniach žyłych damoŭ. Dla vyrašeńnia prablemy parkoŭki prapanujecca krychu navoddal ad žylla ŭźvieści šmatuzroŭnievy parkinh na 600 mašyn sa stancyjaj techabsłuhoŭvańnia i śpiecyjalizavanymi kramami, a kala damoŭ i ŭzdoŭž vulicy Fohiela ŭładkavać haściavyja stajanki na 500 mašyna-miescaŭ.

Prystupić da ŭźviadzieńnia žylla płanujecca ŭ 2014 hodzie. Narmatyŭny termin budaŭnictva damoŭ — 18 miesiacaŭ. Zakazčykam na ŭvieś kvartał vystupaje UKB administracyi Pieršamajskaha rajona.

Kamientary da artykuła